नेपालगन्ज : बाँकेको कोहलपुरमा पाँचदिन अघि हत्या गरिएका युवाको हत्या आरोपमा दुई जना पक्राउ परेका छन । जिल्ला प्रहरी कार्यालयले बुधबार पत्रकार सम्मेलन गरि हत्यामा सङलग्न बाँके राप्ती सोनारी २ का बर्ष २१ का जिरे भन्ने युवराज गिरि र अछाम हिस्मा गाउपालिका ६ का २२ बर्षका भरत बहादुर शाहीलाई पक्राउ गरेको जानकारी दिएको हो । बाँकेका प्रहरी प्रमुख एसपि अरुण पौडेलका अनुसार शाहीलाई सुर्खेतको सालकोटबाट मंगलबार र गिरिलाइ बर्दियाको खाता जंगलबाट बुधबार पक्राउ गरिएको हो ।
सुरक्षा घेरा तोडेका गिरिलाइ प्रहरीले पक्राउका लागि गोलि चलाएको जनाएको छ । बायाँ खुट्टाको घुडामुनी गोलि लागेका गिरिको शिक्षण अस्पतालमा उपचार भैरहेको छ । मृतक सुर्खेत सिम्ता गाउपालिका २ काफलकोटका दिपक सिंह ठकुरिले प्रहरी बन्न भरतलाई रकम दिएको पाइएको प्रहरिले जनाएको छ । प्रहरीमा भर्ना हुन आएका दिपकले शारीरिक परिक्षा उतिर्ण गरि मेडिकल परिक्षाको नतिजाको पर्खाइमा थिए । दिपकको पुस २८ गते बिहान कोहलपुर बसपार्क पछाडि शव फेला परेको थियो ।
