बाँके । सल्यानको वनगाड कुपिण्डे नगरपालिका गर्चेवजारबाट नेपालगञ्ज आउदै गरेको लु १ झ ३९२८ नम्बरको कुमाख यातायातको जिप आज दिउँसो सुर्खेतको गुर्भाकोट नगरपालिका र भेरीगंगा नगरपालिकाको महेलकुनामा दुर्घटना भएको छ ।
दुर्घटनामा ६ जना घाईते भएका छन् । जुम्ला सिजाका दिपक हमाल, सोही स्थानका मान हादुर सार्कि, बनगाडा कुपिण्डे नगारपालिका,५ का रुपसिं वस्नेत, वडा ७ की गोमा वुढा, बनगाड कुपिण्डे नगरपालिका वडा ५ निवासी जिप मालिक विरेन्द्र नेपाली र वडा ४ जिपका चालक चन्द्र परियार घाईते भएका छन् ।
घाईते सवैको नेपालगञ्ज मेडिकल कलेजमा उपचार भैरहेको छ । जिपका मालिक नेपाली र चालक परियार भने गम्भीर घाईते भएका छन् । जीप तीव्रगतीमा भएकोले अनियन्त्रीत भई दुर्घटना भएको प्रहरीको भनाई छ ।
