बाँके,२ असार : वडा प्रहरी कार्यालय नेपालगन्जका इन्चार्ज प्रहरी निरीक्षक नारायण डाँगी ‘पुलिस अफ् द मन्थ’बाट पुरस्कृत भएका छन् । प्रदेश नं. ५ प्रहरी कार्यालयका डिआईजि पिताम्बर अधिकारीले डाँगीलाई उक्त उत्कृष्ट प्रहरीको प्रमाणपत्रबाट पुरस्कृत गरेका हुन ।
लगनशिल तथा कर्तव्यनिष्ठ भई जिम्मेवारी पुरा गरेको संगठीत प्रकृतीको अपराध अनुसन्धान तथा कारवाहीमा प्रभावकारी भूमिका खेलेको भन्दै जेष्ठ महिनामा उत्कृष्ट प्रहरी पुरस्कारलाई डाँगी दिएको हो । प्रदेश प्रहरी कार्यालयले डाँगीले नेपालगन्जमा शान्ती सुरक्षा कायम गर्दै मातहतका प्रहरी परिचालनमा प्रभावकारी भूमिका निभाएको उल्लेख गरेको छ ।
