नेपालगन्ज : बिश्वकै टप सय भित्र पर्ने ख्यातिप्राप्त डिजे आफ्नो प्रस्तुति दिन नेपालगन्ज आउन लागेका छन । नेपालगन्जको एक्स जेनेरेसनले उनी लगाएत स्वदेशी डिजेहरुलाई नेपालगन्जमा ल्याउन लागेको हो । शनिबार पत्रकारहरुलाई जानकारी दिदै आयोजक एक्स जेनेरेसनले पुल पार्टी सहितको कार्यक्रम आयोजना गर्न लागेको जनाएको छ ।
आउँदो असार ९ गते नेपालगन्जमा आयोजना गर्न लागेको सो कार्यक्रममा बिश्वकै टप सय भित्र गणना हुने युक्रेनकि डिजे लिनेटा, नेपाली डिजे बिधान, र्यापर सरकार, ट्रीक्स, महिला डिजे अर्पणा लगाएतका कलाकारको प्रस्तुति रहने आयोजकले जनाएको छ । नेपालगन्जको स्नेहा होटलमा हुने सो कार्यक्रमको टिकट दर ५ सय रुपैयाँ रहेको छ । दर्शकले ५ सय रुपैयाँको टिकटमा निशुल्क पौरी खेल्दै कार्यक्रमको मज्जा लिन सक्ने आयिजकले जनाएको छ ।