नेपालगन्ज । वडा प्रहरी कार्यालय नेपालगन्जले ठुलो परिमाणमा सुर्ती बरामद गरेको छ। आज बिहान ३ बजे वडा प्रहरी प्रमुख प्रहरी निरीक्षक हरि बहादुर बस्नेतको कमान्डको टोलीले नेपालगन्ज १६ जयसपुर इतरामबाबा मन्दिर पछाडी गाउँमा परालमा लुकाइराखेको एक ट्रक सुर्ती बरामद गरेको हो।
बिशेष सूचना पाएर हाम्रो टोली जमुनहा गाउँ पुगेर जांच गर्दा सुर्ती बरामद गरेको प्रहरी निरीक्षक बस्नेतले बताए। बस्नेतका अनुसार उक्त सुर्ती भारतबाट अबैध रूपमा ल्याएर राखिएको हो। बस्नेतले भने- उक्त सुर्तीको मूल्य ४ लाख ५० हजार रुपैयाँ बराबर रहेको छ।