नेपालगञ्ज १२ पुस – प्याब्सन नेपालगञ्ज नगर समितिले आयोजना गरेको दोस्रो प्याब्सन भलिवल कप प्रतियोगिता अन्र्तगत छात्रा तर्फ मोडेल एकेडेमी र छात्र तर्फ मुनतारा स्कुल प्रथम भएका छन् । छात्रा तर्फ युनाइटेड एजुकेशन एकेडेमी द्धितीय, जय बागेश्वरी तृतीय भएका छन् ।
त्यस्तै छात्र तर्फ युनाइटेड एजुकेशन द्धितीय र जिभिएन स्कुल तृतीय भएका छन् । आज भएको उक्त कार्यक्रममा प्रमुख अतिथी प्याब्सन केन्द्रीय प्राज्ञिक सल्लाहकार राजेश केशर खनाल, बिशिष्ट अतिथीमा नगर शिक्षा प्रमुख गोरख थापा थिए । त्यस्तै प्याब्सन नगर समिति अध्यक्ष विकास बज्राचार्यले गरेका थिए ।
शिक्षकहरुको सेमिफाइनल र फाइनल भने अर्को शनिवार हुने प्याब्सन नगर सचिव मानबहादुर थापाले बताए । उनका अनुसार, भलिवल कपका बिजेताहरलाई प्याब्सव डे मा पुरस्कृत गरिने छ ।