नेपालगन्ज २ जेठ : कोरोना बिशेष अस्पताल खजुराका कार्यरत चिकित्सक लगायतका स्वास्थ्यकर्मीलाई आवास तथा भोजन व्यवस्थापन समितिले शुक्रवार नेपालगन्जको एक होटलमा स्वागत तथा सममान गरेको छ ।
कृष्णप्रसाद श्रेष्ठ नेतृत्वको अगुवामा भएको सम्मानमा नेपालगन्ज उद्योग वाणिज्य संघका कोषाध्यक्ष हरिलाल न्यौपाने, प्रवक्ता टंकबहादुर धामी, कार्यसमिति सदस्य भिम रानाभाट लगायतको सहभागिता रहेको थियो ।
कोरोना बिशेष अस्पतालमा रहेका संक्रमितको उपचारमा संलग्न रहेका स्वास्थ्यकर्मीहरुलाई एउटा होटलमा व्यवस्थापन गरिएको छ ।
उनीहरुले ज्यान जोखिममा राखेर बिरामीको सेवा गरिरहेको भन्दै श्रेष्ठ लगायत संघका पदाधिकारी एवं सदस्यहरुले प्रशंसा गरेको प्रवक्ता धामीले बताए ।