एनसेलले फोरजी ग्राहकका लागि ल्यायो आकर्षक योजना, सामाजिक संजालको ननस्टप सेवासहित बोनस डेटा


काठमाडौं। एनसेल आजियाटाले आफ्ना फोरजी ग्राहकका लागि आकर्षक योजना ल्याएको छ । योजना अन्तर्गत ग्राहकले युट्युब, टिकटक र फेसबुकको ननस्टप मजा लिएर बोनस डेटाको फाइदा लिन सक्ने कम्पनीले जनाएको छ। कम्पनीको युट्युब प्लस अफरमा थप विकल्प प्रदान गर्ने विज्ञप्तिमा उल्लेख छ।

‘प्लस’ थिम अन्तर्गत ल्याइएका यी ननस्टप अफरहरु भदौं १८ गते देखि संचालनमा आएका छन् । ‘प्लस’ थिमले नवीन र विशेष सेवाहरुको साथमा हरेक पलमा जहाँ भएपनि सेवामा पहुँच सुनिश्चित गराउने कम्पनीको दाबी छ। योजना अन्तर्गत सामाजिक संजाल प्याक सुचारु गरेपछि त्यस प्याकको समय सीमा बाँकी भएसम्म ननस्टप सेवा लिन सक्ने कम्पनीले जनाएको छ।

ग्राहकले सात दिनको ननस्टप टिकटक प्याक करसहित १ सय २७ रुपैयाँ ६९ पैसामा एक हप्ताभरी टिकटकको ननस्टप सेवा पाउनेछन्। ती ग्राहकले अन्य प्रयोजनका लागि ४ जीबी डेटा बोनस पाउने कम्पनीले जनायो।

युट्युबमा रहेका सामग्रीहरु मात्र हेर्न रुचाउने ग्राहकका लागि ननस्टप प्याक समेत रहेको कम्पनीले जनाएको छ। कम्पनीका अनुसार ग्राहकले आफ्नो आवश्यकता अनुसार करसहित ३१ रुपैयाँ ९२ पैसामा एक दिनको समयसीमा रहेको प्याक चलाउन सक्नेछन्। ती ग्राहकले ४ जीबी बोनस डेटा सहितको सात दिन अवधिको युट्युब वा फेसबुकको कम्बो प्याक मात्र करसहित १ सय ९१ रुपैयाँ ५४ पैसामा सेवा लिन पाइने कम्पनीले जनाएको छ।


कम्पनीका अनुसार ग्राहकले ३० दिनको समयावधि रहेको ६ जीबी बोनस डेटा सहितको नन्स्टप युट्युब प्याक कर सहित ४ सय ५९ रुपैयाँ ६८ पैसामा खरिद गर्न सक्छन्। बोनस डेटा ग्राहकले अन्य कुनै प्रयोजनका लागि प्रयोग गर्न सक्ने कम्पनीले जनाएको छ। सात दिन वा ३० दिनको नन स्टप प्याक खरीद गर्ने ग्राहकका लागि विशेष थप योजना पनि रहेको कम्पनीले जनाएको छ। ग्राहकले प्याक सेवा लिएपछि

हरेक दिन ५०० एमबीको दरले ७ दिन सम्म मात्र कर सहित २५ रुपैयाँ ५४ पैसामा ३५०० एमबि थप डेटाको लिन सक्ने कम्पनीले जनायो। सो डेटा ग्राहकले फेसबुक, टिकटक वा युट्युब चलाउन प्रयोग गर्न सक्ने कम्पनीको दाबी छ। कम्पनीका अनुसार फोरजी ग्राहकले एस्ट्रिक्स१७१२३एस्ट्रिक्स

१ ह्यास डायल गरी अफर लिन सक्नेछन्। ग्राहकले एनसेल एप तथा डिजिटल बालेट सेवा प्रदायकहरु जस्तै खल्ती, युनिपे, ईसेवा वा प्रभु पे मार्फत प्याक लिनसक्ने कम्पनीले जनाएको छ। एनसेलका चिफ कमर्सियल अफिसर प्रदीप श्रीवास्तवले ग्राहकले मन पराउने सामाजिक संजाल सहजै पहुँच सुनिश्चित गराउने गरि आकर्षक प्याक ल्याएको बताए।

प्रकाशित मितिः     8:49:08 PM  |