मन्त्री हुने चर्चामा अथक,पार्टीमा गरेको योगदानको अध्यक्ष प्रचण्डले उचित मुल्यांकन गर्ने आशा


नेपालगन्ज २ साउन : नेपाली काँग्रेसका सभापति शेरबहादुर देउवा नेतृत्वमा सरकार बनेसँगै माओवादी केन्द्रका अध्यक्ष पुष्पकमल दाहाल प्रचण्डको निवास खुमलटारमा चहलपहल बढेको छ । पार्टीबाट सरकारमा सहभागी हुने मन्त्रीहरुको टुङ्गो लगाउने जिम्मा पार्टीले अध्यक्ष प्रचण्डलाई दिएसँगै उनको निवासमा चहल पहल बढेको हो ।

देउवा सरकारमा अहिले माओवादी केन्द्रबाट जनार्दन शर्मा अर्थमन्त्री र पम्फा भुसाल ऊर्जामन्त्री छन् । सरकारमा कुन पार्टीले कुन कुन र कतिवटा मन्त्रालय लिने भन्ने विषय टुंगो लागेको छैन ।

यसअनुसार माओवादीबाट अब ५ जना मन्त्री बन्नेछन । माओवादीका अध्यक्ष प्रचण्डको निवास पुग्नेहरु अहिले मन्त्री पदकालागि लबिङ गरीरहेका छन । जसमध्ये बाँकेका साँसद महेश्वर गहतराज अथकको नाम समेत चर्चामा रहेको छ ।

बाँके निर्वाचन क्षेत्र नं. १ बाट निर्वाचित प्रतिनिधिसभा सदस्य अथकलाई  मन्त्रिमण्डमा सहभागी गराउने तयारी भईरहेको छ । जिल्लावासीको चाहना र पार्टीभित्रै समेत अथकलाई देउवा सरकारको मन्त्रीमण्डलमा सहभागी गराउनुपर्ने आजाव उठिरहेको छ । पश्चिम नेपालको प्रतिनिधित्व हुनेगरी अथकलाई मन्त्री पाउनेमा बाँकेवासीहरु ढुक्क छन ।


तर सो विषयमा पार्टीले निर्णय लिने भन्दै अध्यक्ष प्रचण्डले कसैलाई आश्वासन दिएका छैनन् ।

माओवादीले अहिलेको सरकारमा केपी शर्मा ओली नेतृत्वको सरकारमा सहभागी नभएकाहरुमध्येबाटै मन्त्री बनाउने विधि बनाएका छन् । बाँकी मन्त्रालयमध्ये कुन पार्टीले कुन मन्त्रालय सम्हाल्ने भन्ने विषयमा भने गृहकार्य भइरहेको छ ।

राजनीतिक पहुँचबाट टाडा रहेको बाँकेबाट मन्त्रीमण्डलमा सहभागिता हुनुपर्ने आशा गरिएको छ । त्यस मध्ये पनि यस क्षेत्रकै ठूलो हाईट बनाएका माओवादी नेताका रुपमा परिचित अथकलाई मन्त्रीका रुपमा हेर्न धेरैले चाहेका छन् । अथक विकासवादी र कुनै दाग नलागेका नेतामा पर्छन ।

युद्धकालमा बाँके र बर्दियाका कमाण्डरका रुपमा नेतृत्वदायी भूमिका निर्वाह गरेका कारण अध्यक्ष प्रचण्डले उचित मुल्यांकन गरेर मन्त्रीमण्डलमा सहभागि गराउने कार्यकर्ताहरुले आशा गरेका छन् । अथकका सबै परिवार माओवादीले शुरु गरेको आन्दोलनमा शुरुदेखि नै सहभागि छन् । जसका कारण उनले आफन्त बियोग समेत खप्नुपर्यो ।

प्रकाशित मितिः     २ श्रावण २०७८, शनिबार ०६:३१  |
error: Content is protected !!