गुर्भाकाेट (सुर्खेत ) । सुर्खेत गुर्भाकाेट नगरपालिकाका प्रमुख हस्त पुनले आर्थिक वर्ष २०८२/८३ काे लागि नीति तथा कार्यक्रम प्रस्तुत गर्दै आर्थिक विकासका प्राथमिकता छनाैट गरेका छन् ।
हेर्नुस् आर्थिक विकासका मुद्दाहरु :-
. आर्थिक विकास
उद्योग तथा व्यवसाय प्रवर्धनः-
१. उपप्रमुख उद्यमशीलता विकास तथा युवा स्वरोजगार कार्यक्रम मार्फत स्थानीय तथा स्वदेशी कच्चा पदार्थको उपयोग गरी सञ्चालन हुने स्थानीय माग र आवश्यकतामा आधारित सीप विकास तालीमलाई प्राथमिकता र निरन्तरता दिईने छ ।
२. स्थानीय रुपमा उद्यमशिलताको सम्भावना रहेको घरबास, कृषि, पशु, पर्यटन, सस्कृति र परम्परालाई व्यवस्थित गरी सामुदायिक घरबास उद्योगको रुपमा विकास विस्तार गरी उद्यमशिलताको प्रर्वद्धन गर्ने ।
३. दीर्घकालीन आयआर्जनमा सहयोग पुग्ने युवा-महिला उद्यमशिलतामा जोड दिन संघ र प्रदेश सरकार संघ समन्वय गरी कार्यक्रम सञ्चालन गरिनेछ ।
४. दर्ता प्रक्रिया आबद्ध नभएका उद्योग-व्यापारलाई दर्ता प्रकृयामा ल्याउन अभिमुखिकरण तथा सहजिकरण गर्ने ।
५. विगतमा सञ्चालन गरिरहेको नयाँ उद्यमीहरुका लागि उपयुक्त प्रविधि हस्तान्तरण कार्यक्रमलाई निरन्तरता दिई त्यसको प्रभावकारिता अभिवृद्धि गर्ने ।
६. स्थानीय उद्यमीका उत्पादनलाई एकीकृत गरी बजारिकरण र निर्यात प्रर्वद्धन गर्न संघ र प्रदेश संघ समन्वय गरी औद्योगिक ग्रामको व्यवस्था गर्ने ।
७. स्थानीय उत्पादनलाई प्रर्दशनी, कोसेली गृह सञ्चालन, मेला महोत्सव, स्टल, उद्यम सम्मेलन मार्फत प्रचारप्रसार र बजारिकरण गर्ने ।
८. स्थानीय व्यापार, व्यवसायलाई कानून सम्वद्ध, अनुशासित, मर्यादित र जिम्मेवार बनाउन बजार अनुगमनलाई निरन्तर र प्रभावकारिता अभिवृद्धिमा जोड दिइनेछ ।
९. विभिन्न सीपमा दक्ष व्यक्तिहरुको प्राविधिक शिक्षा तथा व्यवसायिक तालिम परिषद (CTEVT) तथा सामाजिक विकास मन्त्रालय कर्णाली प्रदेशको सहकार्यमा सीप परीक्षण गरी प्रमाणपत्र दिइनेछ व्यवस्था गरिनेछ ।
१०. नगरपालिकाद्वारा विभिन्न क्षेत्रमा तालिम सिकाइएका व्यवसाय तथा बेरोजगार रहेका जनशक्तिको आवश्यकतालाई पहिचाना गरी थप तालिम दिइनछ। साथै व्यवसाय स्थापनाका लागि आवश्यक सहयोगको व्यवस्था मिलाईने छ।