बाँके : २९ औं प्याब्सन डे बाँकेमा पनि बिभिन्न कार्यक्रम गरी मनाईएको छ । नेपालगन्ज उपमहानगरपालिका सहित बिभिन्न स्थानीय तहमा प्याब्सन डे मनाईएको छ । प्याब्सन डेमा शिक्षाक्षेत्रको चर्चा हुनुका साथै उत्कृष्ट शिक्षक, शिक्षिका र बिद्यार्थीहरु सम्मानित भए ।
प्याब्सन नेपालगन्ज उपमहानगरपालिका कमिटिको आयोजनामा भेरी प्राविधिक शिक्षालयमा भब्य कार्यक्रमको आयोजना गरिएको थियो । नेपालगन्ज उपमहानगरपालिकाका मेयर डा धवल शमसेर राणाको प्रमुख आतिथ्यतामा भएको कार्यक्रममा बिभिन्न बिद्यालयका उत्कृष्ट शिक्षक, शिक्षिका र बिभिन्न गतिबिधिमा उत्कृष्ट हुने छात्राछात्रहरु सम्मानित भए ।
शिक्षक, शिक्षिका र छात्राछात्रहरुको हौसला बढाउनका लागि उनीहरुलाई पुरस्कृत गरिएको प्याब्सन नेपालगन्ज उपमहानगर कमिटिका सचिव मानबहादुर थापाले बताए । शैक्षिक क्षेत्रमा नीजि बिद्यालयको महत्वपुर्ण भुमिका रहेको कुरामा पनि प्याब्सन डेमा स्मरण गरिएको उनले जानकारी दिए । नेपालगन्जमा आयोजित प्याब्सन डेको अध्यक्षता नगरकमिटि अध्यक्ष विकास बज्राचार्यको अध्यक्षतामा भएको थियो ।
