नेपालगन्ज : नेपाल पुस्तक तथा स्टेशनरी व्यवसायी महासंघको केन्द्रीय अध्यक्षमा नवनिधि पन्त निर्वाचित भएका छन् । काठमाण्डौंमा भएको पाँचौ राष्ट्रिय महाधिबेशनबाट बर्तमान महासचिव पन्त अध्यक्ष निर्वाचित भएका हुन । महाधिवेशन पछि भएको निर्वाचनमा पन्तले प्रभात सुवेदीलाई पराजित गरे ।
महासंघको केन्द्रिय बरिष्ठ उपाध्यक्षमा मनहरी बस्याल, उपाध्यक्षमा क्रमश ऋषीराम शर्मा, राजलाल गुप्ता, कृष्णचन्द्र पौडेल निर्वाचित भएका छन् । यस्तै महासचिवमा दिवाकर घिमिरे, सचिवमा शिवसागर शर्मा, नारायण काफ्ले, कोषाध्यक्षमा इश्र्वर सापकोटा र सहसचिवमा कमल नेपाल निर्वाचित भएका छन् ।
बाँकेबाट बुद्धिप्रसाद अधिकारी केन्द्रीय सदस्यमा निर्वाचित भएका छन् भने हेमराज पौडेल प्रदेशबाट प्रतिनिधित्व हुने गरी केन्द्रीय सदस्यमा निर्वाचित भएका छन् ।