भेरी प्राविधिक शिक्षालयले रजत जयन्ती मनायो

नेपालगन्ज : नेपालगञ्जको भेरी प्राविधिक शिक्षालयले रजत जयन्ति मनाएको छ । स्थापना भएको २५ बर्ष पुगेको उपलक्ष्यामा आज शिक्षालयमै एक कार्यक्रम गरी रजत जयन्ति समारोह गरिएको छ । रजत जयन्ति समारोहका प्रमुख अतिथि एवम् नेपालगञ्ज उपमहानगरपालिकाका मेयर डा. धवलशमशेर राणाले शिक्षालयले धेरैलाई सीप सिकाएर आयआर्जनका लागि आत्मनिर्भर बनाएको भन्दै प्रशंसा गर्नुभयो ।

कार्यक्रममा प्राविधिक शिक्षा तथा ब्यावसायिक तालिम परिषद् प्रदेश पाँचका प्रमुख अरविन्द चौधरी, परिषद् कर्णाली प्रदेशका प्रमुख भीमकान्त लामिछाने, शिक्षालयका प्रमुख अच्युतराज दाहाल, सहायक प्रमुख पारस खड्का लगायतले प्राविधिक शिक्षाको महत्व र भेरी प्राविधिक शिक्षालयले दक्ष प्राविधिक उत्पादनमा खेलिरहेको भूमिकाबारे चर्चा गर्नुभएको थियो। रजत जयन्तिका अवसरमा शिक्षालय प्रांगणमा नवनिर्मित स्मारकको पनि मेयर डा. राणाले आजै अनाबरण गर्नुभयो