काठमाडौं – ‘ड्याटसन गो’ कारको नयाँ भर्सन अर्थात अन न्यु ड्याटसन गो आइतबार नेपाली बजारमा लन्च हुने भएको छ । नेपालमा ड्याटसनको आधिकारिक वितरक पायोनियर मोटोकर्पले सो गाडी लन्च गर्ने योजना बनाएको छ ।
ड्याटसन गोको नयाँ भर्सनमा धेरै अपडेट भएर आएको छ । नयाँ बम्पर तथा ग्रिल, आकर्षक हेडल्याप्स, एलईडी डीआरएल आदिमा परिमार्जन गरिएको छ । कारको पछि लगाइएको सीसी क्यामेरामा इन्टेग्रेटेड टर्न इन्डिकेटर्स समेत उपलब्ध छ । अल न्यु ड्याटसन गोमा १.२ लिटरको ३ सिलिन्डर पेट्रोल इञ्जिन छ, जसले ६७ बीएचपी पावर र १०४ एनएम टर्क जेनेरेट गर्छ । कम्पनीले आधिकारिक रुपमा जानकारी नदिए पनि नयाँ ड्याटसन गोको मूल्य २४ लाख ९९ हजार रुपैयाँ हुने अनुमान गरिएको छ ।
