नेपालगञ्ज, चैत ९ गते । नेपालगञ्जमा महिला उद्यमीहरुद्वारा उत्पादित वस्तुहरुको प्रदर्शनी मेला सुरु भएको छ । महिला उद्यमी सङ्घ बाँकेको आयोजनामा शनिबारदेखि सुरु भएको मेला चैत १२ गतेसम्म संचालन हुने संघका अध्यक्ष सुशीला गौतमले जानकारी दिइन् । मेलाको उद्घाटनमा चारजना उत्कृष्ट महिला उद्यमीलाई सम्मान गरिएको छ । मनकामना टायल,स्टोन तथा झ्याल ढोका उद्योगका मिना सिग्देल, लुम्बिनी गारमेन्टका काली मिया, पंचशिल हस्तकला केन्द्रका निरु चौधरी र अगुवा महिला उद्यमी आशा सार्कीलाई सम्मान गरिएको हो उनीहरुलाई नेपालगञ्ज उपमहानगरपालिकाका मेयर डा. धवलशम्शेर राणा, उपमेयर उमा थापा लगायतले सम्मान गरेका थिए ।
