बाँके : मानसरोवर तिर्थयात्रीलाई बिदाई गर्न भारतको उत्तरप्रदेशका मुख्यमन्त्री योगी आदित्यनाथ नेपालगन्ज ल्याउने पहल भइरहेको छ । नेपालगन्ज मानसरोवार तिर्थयात्रा जाने अत्यन्त छोटो नाकाका रुपमा रहेको छ । आगामी बैशाखदेखि मानसरोवर जाने सिजन सुरु हुन्छ ।
सम्भवत बैशाख महिनामा मानसरोवार जान आउने भारतीय तिर्थयात्रीको पहिलो लटलाई हरियो झण्डा सहित बिदाई गर्न मुख्यमन्त्री योगी आदित्यनाथलाई ल्याउने गरी तयारी भइरहेको नेपाल उद्योग वाणिज्य महासंघकी अध्यक्ष भवानी राणाले बताईन । नेपालगन्जका उद्योगी, व्यवसायी समेतलाई लिएर केही महिना अघि अध्यक्ष राणाले लखनउमा मुख्यमन्त्री आदित्यनाथलाई भेटेकी थिईन । भेटमा नेपालगन्ज आउन निम्ता दिईएको थियो ।
यतिबेला मुख्यमन्त्रीलाई नेपालगन्जमा ल्याउन नीजिक्षेत्रले सरकारी र भारतीय दुतावाससंग निरन्तर सम्पर्क गरिरहेको छ । नेपालगन्जसंग सिमा जोडिएको ३० करोड बढि जनसंख्या भएको भारतकै सबैभन्दा ठुलो प्रदेश उत्तरप्रदेशका मुख्यमन्त्रीलाई आमन्त्रण गर्दा यहाँको धार्मिक तथा पर्यटकियस्थलको प्रचारमा सहयोगी हुने बिश्वास गरिएको छ ।
‘३० करोड उत्तरप्रदेशका जनता मध्ये थोरैलाई मात्र पनि नेपालगन्ज पर्यटकका रुपमा भित्रा्उन सक्यौ भने ठुलो फाईदा हुनछ’ नेपालगन्ज उद्योग वाणिज्य संघका अध्यक्ष नन्दलाल बैश्यले भने,–‘त्यसैका लागि मुख्यमन्त्री आदित्यनाथलाई बोलाएका छौं ।’
