नेपालगन्ज, १० बैशाख : नेपालगन्ज उद्योग वाणिज्य संघका प्रतिनिधि मण्डलले सुर्खेत उद्योग वाणिज्य संघका पदाधिकारीहरुसंग मंगलबार भेटघाट गरेको छ । नेपालगन्ज उद्योग वाणिज्य संघका अध्यक्ष नन्दलाल बैश्य,उपमहासचिव तारा रोकाय, कार्यसमिति सदस्य रमेशबहादुर शाहले सुर्खेत उद्योग वाणिज्य संघका अध्यक्ष धनबहादुर रावतसंग भेटघाट गरे ।
कृषि सम्बन्धी कार्यक्रममा सहभागि हुन अध्यक्ष बैश्य सहितको टोली सुर्खेत पुगेको थियो । दुबैबीचको भेटघाटमा प्रदेश फरक भएपनि बाँके, बर्दिया र कर्णाली प्रदेशबीचको सम्बन्ध बलियो बनाउने बिषयमा कुराकानी भएको थियो ।
