नेपालगञ्ज -चर्चित गायक प्रकाश सपूत सहितका राष्ट्रिय कलाकारहरु नेपालगन्ज आउने भएका छन । गायक प्रकाश सपूत सहित र्यापर समीर घिसिङ्ग (भिटेन), डान्सरहरु सगुन थापा, श्रेया दङ्गाली र करिश्मा ढकाल, टंक तिमिल्सेना, बिपना परियार, मालती वली र रिना थापा लगाएतका कलाकारहरु आफ्नो प्रस्तुति दिनका लागि नेपालगन्ज आउने भएका हुन ।
“हाम्रो कला, हाम्रो सांस्कृतिक, हाम्रो पहिचान मध्यपश्चिमका लोप हुन लागेका कला सांस्कृतिक प्रचार(प्रसार हाम्रो अभियान” भन्ने मुल नारा सहित आयोजक कला सांस्कृतिक पर्यटन प्रवर्द्धन मन्च, पश्चिम रुकुमले नेपालगन्जमा आयोजना गर्न लागेको “नमस्ते सांस्कृतिक कार्यक्रम” का लागि कलाकारहरु नेपालगन्जमा आउन लागेको आईतबार नेपालगन्जमा पत्रकार भेटघाट मार्फत आयोजक संस्थाका प्रमुख बालकृष्ण बुढाथोकीले जानकारी दिए ।
नमस्ते भिलेज रिसोर्ट सह-आयोजक रहेको उक्त कार्यक्रम आउँदो साउन महिनाको १० गते जानकी गाउँपालिका ६ स्थित नमस्ते भिलेज रिसोर्टमा आयोजना हुन लागेको आयोजकले जनाएको छ । कार्यक्रममा प्रवेश गर्नका लागि भिआइपी टिकट दर ५ हजार रुपैयाँ र २ हजार रुपैयाँको तथा साधारण टिकट दर १ हजार रुपैयाँ र ५ सय रुपैयाँको राखिएको ब्यबस्थापक राजकुमार योगीले जानकारी दिए ।
बर्षायामको समयमा साथिभाईहरु जमघट भइ मनोरञ्जन गर्ने, लोप हुन लागेका संस्कृतीलाई प्रचार प्रसारमा टेवा पुर्याउने, बाँके जिल्ला भित्र रहेका पर्यटकिय क्षेत्रको प्रचार प्रसारमा टेवा पुर्याउने साथै राष्ट्रिय तथा स्थानिय कलाकारको प्रत्यक्ष भलाकुसारी गराउने लगाएतका उद्देश्य रहेको उक्त कार्यक्रममा राष्ट्रिय कलाकार सहित स्थानीय कलाकारहरुको पनि प्रस्तुति रहने सो कार्यक्रम साउन १० गते दिउँसो २ बजे देखि राती १२ बजे सम्म आयोजना हुने आयोजक संस्थाका डिल्ली परियारले जानकारी दिए ।