नेपालगञ्ज -कम्प्युटर एशोसिएशन नेपाल महासंघ बाँकेको अध्यक्षमा रमणी प्रसाद शर्मा सर्वसम्मत निर्वाचित भएका छन् । आज सम्पन्न भएको ११ औं साधारणसभाले शर्मालाई अध्यक्षमा चयन गरेको हो ।
क्यान महासंघ बाँकेको बरिष्ठ उपाध्यक्षमा, शिशिर नारायाण श्रेष्ठ, उपाध्यक्षमा कर्ण बहादुर खत्री, सचिवमा दिपक खड्का, सहसचिवमा लिलानाथ दहाल र कोषाध्यक्षमा उपमा रेग्मी निर्वाचित भएका छन् । यस्तै सदस्यमा शरद रिजाल, अन्जु रानाभाट, बिमला पुरी, जिता कुमारी रावत, दिपेश महत्तो, यज्ञराज जोशी, ओस्कार थापा, शेरबहादुर थापा निर्वाचित भएको निर्वतमान अध्यक्ष भोजराज तिमिल्सेनाले जानकारी दिए ।
आज भएको उद्घाटन कार्यक्रममा क्यान महासंघका केन्द्रीय सदस्य इश्र्वर पोख्रेल, रेशम गिरी, पुर्व उपाध्यक्ष सन्जय थापा, नेपालगञ्ज इलेक्ट्रोनिक्स एशोसिएसनका अध्यक्ष चिरन्जीवी ओली लगायतले बोलेका थिए ।