काठमाडौं।दशैंका लागि वायुसेवा कम्पनीको सस्तो टिकट सकिएको छ।दशैंको फूलपातीदेखि टिकासम्मका लागि सस्तो टिकट बुकिङ भइसकेको छ।केही गन्तब्यमा महँगो टिकट समेत सकिएको छ।
वायुसेवा कम्पनीले अग्रिम टिकट नखुलाउँदै दशैंका लागि बुकिङ सकिएको छ।दशैंका लागि एक महिना अघिनै टिकट कसरी सकियो? प्रविधिका कारण एक महिना अघिनै टिकट सकिएको हो।विभिन्न पेमेन्ट गेटवे र हवाई कम्पनीको अनलाइनमार्फत बुकिङ गर्ने सुविधाका कारण एक महिना अघिनै टिकट सकिएको हो।इसेवा,आइएमई पे,प्रभु पे र खल्तीमार्फत हवाई टिकट बुकिङका साथै भूक्तानी गर्न सकिन्छ।यही कारण उपभोक्ताले अग्रिम टिकट काटे।
केही वर्षअघिसम्म दशैंका लागि वायुसेवा कम्पनीले सस्तो टिकट बुकिङ अग्रिम रुपमा खोल्थे।निजी क्षेत्रको वायुसेवा कम्पनीको सेवा नहुँदा अझ नेपाल वायुसेवा निगमको टिकटको भीड नियन्त्रणका लागि लाठीचार्ज समेत हुने गरेको थियो। सडक यातायातले नछोएका दुर्गम क्षेत्रमा जान हवाई जहाजनै विकल्प थिए।एक महिना अघि टिकटका लागि हारालुछनै हुन्थ्यो।तर अहिले समय फेरिएकाले मोबाइलमार्फत टिकट बुकिङ भयो र अग्रिम टिकटनै खुलेन्।