नेपालगन्ज / नेपालगन्ज मा साइकल अभियानमा कृयाशिल नेपालगन्ज साइक्लिङ्ग क्लबले संविधान दिवस को अवसरमा साइकल दौड प्रतियोगिता को आयोजना गर्न लागेको क्लबका सचिव गगनसिह थापाले जानकारी दिनुभयो । देशभर संविधान दिवस भब्य रूपमा मनाउन सरकारले समेत अपिल गरिरहेको सन्दर्भमा आयोजना गर्न लागिएको यश प्रतियोगिता रास्ट्रीय उत्सव सङ्गै साइकल अभियान लाई समेत टेवा पुर्याउने बिश्वास क्लबले लिएको उपाध्यक्ष लवराज श्रेष्ठले बताएका छन् ।
उपाध्यक्ष श्रेष्ठ का अनुसार ३५ बर्ष भन्दा माथी को मास्टर तह र ३५ बर्ष मुनि इलाइट तह गरि दुई तहमा हुने प्रतियोगितामा १०० बढीको सहभागिता हुने छ भने कार्यक्रम का लागि डुडुवा गाउँ पालिकाले सहकार्य गरेको छ ।कार्यक्रम भोलि असोज ३ गते आयोजना गरिदैछ। नेपालगन्ज मा साइकल अभियानमा सक्रिय यश नेपालगन्ज साइक्लिङ्ग क्लबले मेयर कप साइकल दौड को २ सिरिज, सद्भाव डटकम टुर दि ठाकुरद्वार जस्ता महत्त्वपूर्ण कार्यक्रम को आयोजना गरिसकेको छ भने यसैबर्ष ” रारा च्यालेन्ज-2076″ नेपालगन्ज देखि रारातालसम्म को साइकल दौड प्रतियोगिता आयोजना गर्ने तयारी गरिरहेको क्लब का सदस्य सतिश निरौला ले बताए ।