नेपालगञ्ज १६ कात्र्तिक – सांग्रिला डेभलपमेन्ट बैंक लिमिटेड स्थापनाको अवसरमा बिभिन्न कार्यक्रमको आयोजना गरिएको छ । कात्र्रिक १३ गते १५ वर्ष पुरा भई १६ वर्षमा प्रवेश गरेको अवसरमा बिभिन्न कार्यक्रमको गरिएको हो । शनिवार नेपालगञ्जमा बैंकका अध्यक्ष अच्यूत प्रसाईले केक काटेर बैंकका कर्मचारीहरुसंग स्थापना दिवश मनाए । बिहान नेपागञ्ज बसपार्कमा सरसफाई गरिएको छ ।
सरसफाई कार्यक्रममा यस क्षेत्रका उद्योगी, व्यवसायी लगायत प्रतिष्ठित अगुवाहरुको सहभागिता रहेको थियो । पोखराको सांग्रिला विकास बैंक र नेपालगञ्जमा प्रधान कार्यालयमा रहेको बागेश्वरी विकास बैंक मर्ज भई सांग्रिला विकास बैंक बनेको हो । बैंकले आगामी वर्षमा अझ सशक्त रूपमा ग्राहक सेवामा समर्पित हुने प्रतिवद्धता समेत जनाएको क्षेत्रीय प्रबन्धक जयन्द्र खड्काले बताए । खड्काका अनुसार, भोली रक्तदान कार्यक्रमको आयोजना गरिदै छ भने सुष्त मनस्थिती भएका बालबालिकालाई पाठ्य सामाग्री प्रदान गर्दै छ ।
