नेपालगञ्ज ३० कात्र्तिक – नेपालगन्ज भुजईगाउँस्थित सोल्टी होटल परिसरमा रहेको क्यासिनो महाजोङ्गको शुक्रवार साँझ ‘ग्राण्ड ओपनिङ्ग’ गरिएको छ । बिशिष्ट व्यक्तीहरुको उपस्थितीमा बिशेष सांगितिक कार्यक्रम सहित ग्राण्ड ओपनिङ्ग गरिएको हो ।
सम्भवत पश्चिम नेपालमै सबैभन्दा ठुलो लाईभ क्यासिनोका रुपमा महाजोङ्ग सन्चालनमा आएको छ । यसअघि होटल स्नेहामा मिनि क्यासिनो सन्चालन भइरहेको छ । भारतीयलाई लक्षित गरी खोलिएको क्यासिनोले नेपालगञ्जमा पर्यटक तान्न महत्वपूर्ण भूमिका खेल्ने सल्लाहकार मुरारीबाबु काकीले बताए । उनले भने–‘हामी बिशुद्ध क्यासिनो मात्र चलाउने छैनौ । पश्चिममा पर्यटक ल्याउन पनि भूमिका खेल्छौ ।’
कार्यक्रममा चर्चित गायक दिपक बज्राचार्यको बिशेष सांगितिक प्र्रस्तुती रह्यो । उनले मन मगन जस्ता गीत गाएका थिए । अन्य बिभिन्न कलाकारले नृत्य प्रस्तुत गरेका थिए । कार्यक्रममा क्यासिनोका तर्फबाट पश्चिम नेपालको पर्यटकियस्थल देखाउने डकुमेन्ट्री समेत प्रर्दशन गरिएको थियो । आज शनिवार भारतीय दर्शकका लागि लक्षित गरी बिशेष कार्यक्रम गरिदैछ । आज भारतीय चर्चित कलाकार सपना चौधरी आउँदै छिन् ।
