नेपालगन्ज- समाजसेवि साहित्यकार नर्मदा खनालको छ मासिक पून्यतिथीको अवसर पाएर आज उनको संस्मरण संग्रह ” एउटा प्रयास” को विमोचन गरियो । मेयर धवल शम्शेर राणाले उनकै निवासमा आयोजित कार्यक्रममा विमोचन गरे । संस्मरण संग्रहको विमोचन गर्दै मेयर राणाले बिलासपुरमा सात कट्ठा जग्गामा बाल उद्यान बनाई त्यसमा नर्मदा खनालको सालिक राखिने बराउनु भयो ।
कौशिला रिसाल द्वारा सम्पादित सो संस्मरण संग्रह मा नर्मदा खनालमा रचना र विभिन्न लेखकले उनको कृतित्व र व्यक्तित्वको बारेमा लेखेका आलेखहरु समावेश छन् । विमोचन कार्यक्रममा सनत रेग्मि, अजितकुमार शर्मा र बुद्धिसागर सुवेदी समेतले नर्मदा खनालको बारेमा बोलेका थिए । २००० साल मंसिर १८ गते नेपालगंजमा जन्मेकी नर्मदा खनालले लामो समय रेडक्रस मार्फत समाजसेका गरेकी थिइन । उनको २०७६ साल वैशाख १० गते निधन भएको थियो ।