नेपालगञ्ज १२ पुस – पूर्व प्रधानसेनापति रुकमाङ्गत कटुवालसंग नेपालगञ्जका उद्योगी, व्यवसायी लगायत बिभिन्न क्षेत्रका अगुवाले भेटेका छन् । कटुवाल शुक्रवार नेपालगञ्ज आएपछि होटल सोल्टीमा बसे ।
शनिवार नेपालगञ्ज उद्योगी चम्पालाल बोथरा लगायतका उद्योगी, व्यवसायीले कटुवालसंग भेटघाट गरे । भेटघाटमा अन्य बिभिन्न क्षेत्रका व्यक्तिहरु समेत सहभागि थिए । उक्त भेटघाटमा सामान्य कुराकानी भएको अधिवक्ता जगदम्बा पाठकले बताए ।
तत्कालिन मध्यपश्चिम पृतनापति हुँदा लामो समय कटुवाल नेपालगञ्जमा बसेका थिए । द्धन्द्धको चरम अवस्थामा उनले मध्यपश्चिम पृतनाको कमाण्ड सम्हालेका थिए । कटुवालसंग नेपालगञ्ज परिचित छ । शनिवारको भेटघाटमा उनले पुराना दिनहरु सम्झिदै नेपालगञ्जप्रति मायाप्रेम रहेको स्मरण गरे ।
उनी नेपालगञ्जमा आयोजना भएको मिस नेपालगञ्जको प्रमुख अतिथीका रुपमा सहभागि हुन यहाँ आएका हुन ।
