महोत्सवमा आज प्रिती आले र चन्द्र शर्मा आउँदै

नेपालगञ्ज १३ पुस : नेपाल घरेलु तथा साना उद्योग महासंघ नेपालगंज उप महानगर नगरसमिति र महिला उद्यमी समितिको संयुक्त आयोजनामा शुक्रवारदेखि नेपालगन्जको सडक विभाग परिसरमा लागेको महोत्सवको तेस्रो दिन आईतवार प्रिती आले , चन्द्र शर्मा,ढाकाराम पौडेल, दिक्षा सुनार,कमल नारायाण नृत्य जोडी लगायत स्थानीय कलाकारको बिशेष प्रस्तुती हुने छ ।

दोस्रो दिन दुर्गेश थापा र भूमिका गिरीले दर्शक नचाए । शनिवार परेका कारण संयौ मानिसहरु भेला भर्ना आएका थिए । युवा पुस्ता माझ चर्चित दुर्गेशले नेपालगञ्जको चिसो बिर्साउने गरी गीत गाउँदै दर्शक नचाए । महोत्सवमा मनोरन्जन मात्र होइन व्यापार व्यवसाय समेत बढेको छ ।