नेपालमा ढुवानी सेवा सञ्चालन गर्ने व्यवसायीले मूल्य अभिवृद्धि कर (भ्याट) मा दर्ता हुनुपर्ने प्रावधान कार्यान्वयनमा आएको छ । आन्तरिक राजस्व विभागका अनुसार १ पुसबाट कार्यान्वयनमा आएको यस प्रावधान अनुसार पछिल्लो १२ महिनामा २० लाख रुपैयाँभन्दा माथिको कारोबार गर्ने व्यवसायी अनिवार्य भ्याटमा दर्ता हुनुपर्छ ।
२० लाखभन्दा कम कारोबार हुने ढुवानी व्यवसायीले भने भ्याटमा दर्ता नगरी पनि कारोबार गर्न सक्नेछन् । ढुवानी सेवामा भ्याट कार्यान्वयन गर्नेसम्बन्धी निर्देशिका अनुसार अब जनावरदेखि हवाईजहाजबाट हुने ढुवानी सेवासम्म भ्याटको दायराभित्र आउनुपर्छ ।
