नेपालगन्ज २८ माघ – नेपालगन्ज उद्योग वाणिज्य संघको उपमहासचिवमा धर्मराज अर्याल निर्वाचित भएका छन् ।
संघका नवनिर्वाचित पदाधिकारी र सदस्यहरुको आन्तरिक निर्वाचन प्रक्रियाबाट मंगलवार अर्याल उपमहासचिवमा चुनिएका हुन ।
यसअघि अध्यक्ष, दुई उपाध्यक्ष, कार्यसमिति सदस्य, एशोसिएट र बस्तुगत सदस्यको निर्वाचन भइसकेको छ ।
उनीहरुकै आन्तरिक चुनाव वा सहमतिबाट महासचिव, उपमहासचिव, कोषाध्यक्ष लगायत बरिष्ठ सदस्य मनोनयन गर्ने प्रावधान रहेको छ ।
को हुन अर्याल ?
सबैका प्रिय, सहयोगी स्वभावका र सालिन व्यक्तित्व धर्मराज अर्याल नेपालगन्जको उद्योग, व्यवसायका क्षेत्र परिचित नाम हो ।
सहकर्मीलाई दुःख पर्दा रात दिन नभनी घरदैलोमा पुग्ने अत्यन्त दयालु र सामाजिक व्यक्तित्वका धनी अर्यालको सरल जिवनशैली अनुकरणीय छ ।
माण्डव्य फैन्सी स्टोर्सका सन्चालन रहनुभएका अर्याल २८ वर्षदेखि नेपालगन्जमा घरवारीटोलमा व्यवसाय गर्दै आउनुभएको छ । व्यवसाय मात्र नभई बिभिन्न संघ संस्थामा सक्रिय अर्याल नेपालगन्ज उद्योग वाणिज्य संघका पूर्व कार्यसमिति सदस्य भइसकेका छन् ।
हरेक सामाजिक कार्यक्रममा अग्रसर हुने व्यवसायी अर्याल अग्रजलाई सम्मान गर्ने र नयाँ पुस्तालाई मायाप्रेम गर्ने स्वभावका छन् ।