नेपालगन्ज २८ माघ – जिभिएन कलेज नेपालगन्जमा सम्पन्न हिसान कप खेलकुद प्रतियोगिता अन्र्तगत फुटवलमा बिजयी भएको छ । आज भएको खेलमा नेपालगन्ज मोडेल एकेडेमीलाई हराउँदै जिभिएन बिजयी भएको हो ।
क्षितिज थापाले एक गोल गरेर जिभिएन कलेजलाई बिजयी बनाएका हुन । हिसानका अध्यक्ष रमेश सिलवालको प्रमुख आतिथ्यतामा फाइनल खेल भएको थियो ।
मंगलवार नै जिभिएन कलेजले नेपालगन्ज रंगशालामा सरसफाई गरेको छ । सरसफाईयुक्त नेपालगन्ज बनाउने अभियान अन्र्तगत जिभिएनले बिभिन्न क्षेत्रमा सरसफाई गर्दै आएको कलेजका सिइओ गणेश भण्डारीले बताए । जिभिएनको उक्त कार्यको नेपालगन्जमा प्रशंसा गरिएको छ ।
