नेपालगन्ज १२ फागुन – पश्चिमको कैलालीबाट उदय भएको देशकै उत्कृष्ट हस्पिटालिटी क्षेत्रमा चिनिएको सिद्धार्थ बिजनेश ग्रुप अफ हस्पिटालिटी प्रालिले पूर्वी नेपालमा आफ्नो बिस्तार गर्न सफल भएको छ । उसले झापाको बिर्तामोडमा सिद्धार्थ होटल ग्राण्ड सिटी सन्चालनको तयारीमा छ ।
सुविधा सम्पन्न ५५ रुम सहितको उक्त होटलमा ३ वटा रेष्टुरेन्ट, ब्यांकेट हल ३ वटा, हेल्थ क्लव, स्वीमिङ पुल र सुविधा सम्पन्न पार्किङ एरिया रहने छ ।
सिद्धार्थ गु्रपले हस्पिटालिटी ब्यबसाय सुरु गरेको २२ बर्ष पुरा भएकोे छ गु्रपका देशैभर रहेका २५ वटा शाखाहरु छन् । कैलालीको टीकापुरबाट २०५४ माघ २३ देखि सानो नास्ता पसलबाट हपिस्टालिटी ब्यबसाय सुरु गरेको सिद्धार्थ गु्रपका कर्णाली चिसापानी , नेपालगन्ज, सुर्खेत , बुटबल , चितबनको चुम्लिङटार र काठमान्डौमा रेष्टुरेन्ट, होटेल , रिसोट, टे«ड, क्याफे , इष्ट्रिच्युट, कृषि फर्म र सहकारी गरी २५ वटा शाखाहरु रहेका छन् ।