नेपालगन्ज ११ चैत : नाका बन्द र लकडाउनका कारण भारतबाट नेपालगन्ज प्रवेश गरेकाहरु सडकमा भौतारिरहेका छन् । त्यस्ता नागरिकहरु खोजेर उद्धार गर्नुपर्ने आवश्यकथा देखिएको छ । मंगलवार बिहान कोरियनपुरमा एक दर्जन मानिसहरु अलपत्र अवस्थामा भेटिए ।
स्थानीयले बिपीचोकस्थित प्रहरीसंग सहयोग माग्न सुझाए पछि उनीहरु त्यतै गएका छन् । नाका बन्द अगावै नेपालगन्ज प्रवेश गरिसकेकाहरुसंग घरसम्म जाने बिकल्प छैन । लकडाउनका कारण कतै बस्ने अवस्था पनि रहेन् । यस्ता व्यक्तिहरुको उद्धारकना लागि टिम नै बनाउनुपर्ने आवश्यकता देखिएको छ । त्यस्ताको खोजी गरी उद्धार गर्नुपर्छ । भारतबाट आएका मात्र होइन लकडाउनमा फसेकाहरु लाई पनि उद्धार आवश्यक देखिन्छ ।
