शंकर पोखरेल
मुख्यमन्त्री, प्रदेश नं. ५
कोभिड -१९विरुद्धको संघर्षमा चिकित्साकर्मीहरु नै फ्रन्टलाईन योद्धा हुन् । उनीहरुलाई सबैले आदर र सम्मान गर्नु पर्दछ ।
हौसला प्रदान गर्नु पर्दछ । यो लडाइको मुख्य संयोजनकर्ता राज्य हो ।
यसमा राज्यका सबै अंगहरु राजनीतिक,प्रशासनिक र जंगी सबै एकजुट भएर परिचालित हुनुपर्दछ ।
सेना पनि राज्य र सरकारको मातहतको महत्वपूर्ण अंग हो ।नेपाल प्रहरी र सशस्त्र प्रहरी वलसंगै नेपाली सेनालाई पनि यस लडाइमा प्रभाकारी ढंगले परिचालन गर्नु पर्दछ ।
संकटपूर्ण परिस्थितमा निजामती प्रशासनको तुलनामा जंगी प्रशासनको परिचालन वढि प्रभावकारी हुन्छ । विगत देखिनै राज्यले यो अभ्यास गर्दै आएको छ ।
यस महामारी विरुद्धको संघर्षमा जनताको सहयोग निकै नै महत्वपूर्ण छ र आगामी दिनमा त्यसलाई थप प्रभावकारी बनाउनु आवश्यक छ ।
जनताका बीचवाट संगठित राजनीतिक दल लगायत सबै संस्थाहरु यस अभियानमा सहयोगी बन्नु आवश्यक हुन्छ ।
संक्रमण फैलन नदिन सामाजिक दुरी सबैभन्दा ठुलो हतियार हो । लकडाउन सोही प्रयोजनका लागि हो ।
लकडाउन लामो हुदा दैनिक ज्यालादारीमा जिवन निर्वाहगर्नेहरुले कठिनाइ वेहोर्नु पर्नेहुन सक्छ । त्यस्ता व्यक्तिहरुका लागि सबै मिलेर एकद्वार प्रणालीवाट सहयोग गर्नु पर्दछ ।
राहतको व्यवस्था पालिकाले गर्ने र वितरणको व्यवस्था वडा कार्यालयको व्यवस्थापनमा टोलसंस्था मार्फत गरिनु पर्दछ ।
भारत लगायत तेस्रो मुलुकवाट आएका सबैजना क्वारेन्टाइन/होम क्वारेन्टाइनमा वसेर सहयोग गर्नु पर्दछ ।
कोभिड १९को लक्षण देखिएका सबैमा संक्रमण भएको हुन्छ भन्ने होइन । तर पनि आसोलेसनमा वसेर उपचार गराउनु पर्दछ । त्यसका लागि सामाजिक दुरी कायम गर्दै नजिकैको स्वास्थ संस्थामा जानु पर्छ । सरकारले त्यस्ता सबैको स्वाव परिक्षणको व्यवस्था मिलाएको छ ।
कोभिड १९ को उपचारको सम्पूर्ण जिम्मेवारी सरकारले लिएको छ । कसैले पनि रोग लुकाउने गल्ती गर्नु हुदैन ।यतिवेला रोग लुकाउनु युद्ध अपराध गरे जस्तै कमजोरी हुनेछ ।
अस्पतालमा आएका विरामीका आधारमा हामी कोभिड १९ को महामारीवाट जोगिन सक्ने अवस्थामा नै छौ । तर उच्च सतर्कता आवश्यक छ ।
यस लडाइमा भ्रम र अफवाह फैलाउनेहरु तथा भिडभाडजन्य परिस्थिति सिर्जना गर्नेहरु समाजका सबैभन्दा ठुला शत्रु हुन् । यस प्रवृत्तिवाट सबैजना जोगिनु पर्दछ ।
(मुख्यमन्त्री पोखरेलले सामाजिक सन्जाल फेसबुकमा व्यक्त गर्नुभएको विचार)