कोरोना संक्रमण पछि शुभचिन्तकले गरे स्वास्थ्य लाभको कामना


नेपालगन्ज । प्राय कोरोना संक्रमित हुनेहरुको नाम गोप्य राखिने वा सार्वजानिक नगरिने गरिए पनि बाँकेमा आज पुष्टि भएका संक्रमितहरुको नाम सामाजिक सञ्जालमा सार्वजानिक गर्दै उनीहरुको स्वास्थ्य लाभको कामना गरिएको छ ।

आज संक्रमण पुष्टि भएका नेपाल उद्योग बाणिज्य महासंघका केन्द्रीय सदस्य कृष्ण प्रसाद श्रेष्ठ तथा होटल ब्यवसायी लोकेन्द्र अर्यालको नाम र पहिचार उनकै सहकर्मी ब्यवसायीहरुले सार्वजानिक गर्दै स्वास्थ्य लाभको कामना गरेका छन् । नेपालगन्ज उद्योग बाणिज्य संघका महासचिव चिरन्जिबी ओलीले आफ्नो फेसबुकमा स्टाटस राख्दै महासंघका केन्द्रीय सदस्य श्रेष्ठ र अर्यालको स्वास्थ्य लाभको कामना गरेका छन् । संक्रमित श्रेष्ठ र अर्यालको स्वास्थ्य लाभका लागि नेपालगन्ज उद्योग बाणिज्य संघका कार्यसमिति सदस्य बिष्णु प्रसाद श्रेष्ठ, पुर्व कोषाध्यक्ष बिष्णु गौतम लगायतले कामना गरेका छन् ।

संक्रमित दुबैको ट्राभल हिस्ट्रि नभए पनि समुदायको परीक्षण गर्ने अभियान अन्तर्गत भेरी अस्पतालमा गरिएको स्वाव परीक्षणमा उनीहरुमा संक्रमण पुष्टि भएको थियो ।


आजै संक्रमण पुष्टि भएका पत्रकार खगेन्द्र दाहालले पनि आफ्नै फेसबुकमा आफुलाई संक्रमण भएको खुलासा गरेका छन् । उनले आफु छिटै निको हुने बिश्वासका साथ आईसोलट भएको बताएका छन् ।

संक्रमण पुष्टि भएका सबै आजैबाट सुरु भएको पेयवल आईसोलेसन होटल सिटी प्लाजामा बसेका छन् । बाँकेमा आज मात्र ४९ जनामा संक्रमण पुष्टि भएको थियो ।

प्रकाशित मितिः     11:54:10 PM  |