नेपालगन्ज – दसैंका लागि नयाँ नाेट र किनमेल प्रयाेजनका लागि पैसा झिक्न नेपालगन्जका बैंकमा सेवाग्राहीकाे अत्याधिक भिड लागेकाे छ । हरेक बैंकमा बाहिरसम्मै ग्राहककाे लाइन लागेकाे छ भने त्यस्तै भिड एटिएममा समेत देख्न सकिन्छ ।
नियमित अवस्था भन्दा धेरै ग्राहक आउने अवस्थामा बैंकहरुको सेवा प्रभावित हुने गरेकाे छ । यस्तै बेला सेवाग्राहीलाई बैंकले दिने सेवा अझ प्रभाबकारी हुनुपर्नेमा झन अस्तव्यस्त हुने गरेकाे छ ।
दिनभर लामाे समयसम्म चर्को घाममा सेवाग्राही बस्न बाध्य छन् भने तत्काल पैसा पाइने भनिएको एटिएमकाे सेवा त झनै कमजाेर छ । एकै पटक सेवाग्राहिको भिड लागेपछि कतिपय एटिएमको सिस्टमले काम गरेकाे छैन भने कतिपयकाे एटिएम नै बन्द छन् ।
