नेपालगन्ज – नेकपा एमालेको युवा संगठन राष्ट्रिय युवा संघ बाँकेकाे अध्यक्षमा ज्ञानेन्द्र ओली सर्बसम्मत निर्वाचित भएका छन् ।
शनिबार नेपालगन्जमा सम्पन्न ९ औं अधिवेशनबाट ओली अध्यक्ष निर्वाचित भएका हुन ।
उपाध्यक्षमा मनाेज बिक, सचिवमा रमेश मिजार, सह-सचिवमा सुनिल रसाइली,नारायण खनाल र काेषाध्यक्षमा मुना कठायत सहित ७५ सदस्यीय कार्यसमिती चयन गरिएको छ । अधिवेशनकाे उद्घाटन एमालेका पाेलिटब्युराे सदस्य महेस बस्नेतले गरेका थिए ।
कार्यक्रममा एमाले केन्द्रिय सदस्य सुर्य ढकाल,माेहमद हारुन,पशुपतिदयाल मिश्र,युवा संघका केन्द्रीय अध्यक्ष किरण पौडेल,एमाले बाँकेका अध्यक्ष किस्मत कक्षपति लगायतले सम्बाेधन गरेका थिए ।