बाँके । नेकपा एमाले निकट राष्ट्रिय युवा संघले रु दस हजार राशीकाे खुल्ला निबन्ध प्रतियोगिता आयोजना गर्दै छ ।
नेपालगन्जमा चैतको अन्तिम साता आयोजना हुन लागेकाे नवौँ राष्ट्रिय सम्मेलनकाे अवसरमा ठुलाे राशीकाे निबन्ध प्रतियोगिता आयोजना गर्न लागिएको युवा संघ बाँकेका अध्यक्ष ज्ञानेन्द्र ओलीले जानकारी दिए ।
‘समृद्ध नेपाल निर्माणमा युवा आन्दोलनको कार्यदिशा’ विषयक खुल्ला निबन्ध लेखन प्रतियोगितामा न्यूनतम एक हजार शब्ददेखि तीन हजार शब्दसम्म हुनुपर्ने छ । उक्त निबन्ध रचना गरी चैत्र २२ गते पाँच बजेसम्म नेकपा एमाले जिल्ला कमिटीको कार्यालय नेपालगन्जमा बन्द खाममा उपलब्ध गराउनुपर्ने अध्यक्ष ओलीले बताए ।
उक्त निबन्ध प्रतियोगिताको प्रथम पुरस्कार दस हजनर,द्वितीय पुरस्कार सात हजार, तृतीय पुरस्कार पाँच हजनर र सान्त्वना पुरस्कार पाँच जनालाई जनही दुई हजार रहेकाे छ ।