नेपालगन्ज । जिल्ला प्रहरी कार्यालय बाँकेले आइतबार बाँकेकाे काेहलपुरबाट ५ किलाे ८ सय ६५ ग्राम लागू औषध अफिम सहित २ जना मानिस पक्राउ गरेकाे छ ।
हवल्दारपुर एउटा फन पार्क अगाडी शंकास्पद रुपमा बसिरहेका जिल्ला जाजरकोट शिवालय- ७ भिउस घर भई हाल जिल्ला बर्दिया बांसगढि -९ माछागढ बस्ने वर्ष ५५ को राम बहादुर शाही र जिल्ला जाजरकोट बारेकोट- ८ सेपुखोला बस्ने वर्ष ३५ को पुर्ण बहादुर बिकलाई ईलाका प्रहरी कार्यालय कोहलपुरबाट खटिएको प्रहरी टोलिले शंका लागि चेकजाचँ गरेकाे थियाे ।
साे क्रममा बिकले पछाडि बोकेको कालो झोलामा अफिम जस्तो देखिने गिलो पदार्थ फेला परेकाे थियोे । जिल्ला प्रहरी कार्यालय बाँकेका प्रवक्ता डिएसपी नारायण डाँगीका अनुसार, शुद्ध तौल गर्दा ५ केजि ८ सय ६५ ग्राम र सोही स्थानमा रोकी राखेको राम बहादुर शाहिको कर्णाली प्रदेश०२-००२प ११८६ नं. को मोटरसाईकल सहित फेला पारी बरामद गरी दुई जना सहित नियन्त्रणमा लिईएको छ ।
बाँके जिल्ला अदालबाट दिन ५ म्याद थप अनुमती लिई थप अनुसन्धान एवं कारवाही प्रक्रिया अगाडी बढाईएको छ ।