
आदरणीय किशोर जि,
जय नेपाल
अस्ति खजुराको कांग्रेस गाउँसम्मेलनमा म प्रती हजुरले गरेको टिप्पणी प्रती मेरो ध्यानाकर्षण भएको छ । मलाई यति बेला कांग्रेसका साथीहरूसंग दन्तबजान गर्न मन थिएन । तर बाध्य बनाउनु भयो हजुरले !
हजुरले ‘त्यो दुई काैडीकाे हैसियत नभएको मान्छे रत्न खत्रीले प्रदेशबाट विकासको आयोजना ल्याए भनेर फुर्ती गर्दै छ’ भन्दै मेरो चरित्रहत्या समेत गर्नु भए छ । यसमा मेरो कुनै गुनासो छैन । किन की मान्छेको आनिबानी,व्यबहार,बोली चाली,भाषामा उसको घरको प्रभाव पर्दछ । साहेद, तपाईंमा यहीँ प्रभाव पर्यो कि ? एउटा कुरा सत्य हो । म एक निम्न बर्गिय किशाको छोरा हुँ !
हजुर सभ्रान्त परिवारको ‘राजा सा’ब’ जसको कारण तपाईंको नजरमा म ‘खाते’देखिनु ‘दुई कौडि’को देखिनु तपाईको समस्या होइन । समस्या मेरो हो किन कि म गरिव किसानको कोखमा जन्म लिए । जहाँसम्म विकास निर्माणको प्रश्न छ आउनुहोस् म खुला बहस गर्न तयार छु। चिसापानीको सुर्याेदय मावि, जिगाउँको प्रभात मावि देखि डि गाउँको आदर्श माबि, खजुराको ज्ञनोदय मावि, गौघाट्को योगनी मावि हुँदै राधापुरको मैटवा माविसमेत गरेर करिब ७५ वटा स्कुलहरुमा ‘म मन्त्री भएको बेला ०८१/०८२ बजेट मार्फत करिब १५ करोड बिनियोजित भएको छ’ ।
तपाईको पहलमा एउटा कुनै स्कुल रकम बिनियोजित भएको छ ? चिसापानी देखि राधापुरसम्मको मान खोलाको तटबन्धका लागि मेरो पहलमा रु ५ करोड बियोजन गरिएको छ तपाईंको पहलमा रु १ बियोजित गरिएकाे छ ? च्यामा- राधापुर सडक खण्ड मेरो पहलमा ०८०/०८१ मा मर्मत लागि रु ३ करोड र ०८१/०८२ स्तर उन्नतिका लागी करिब ६.५० करोडको बहुवर्षिय ठेक्का हुँदै छ के यो सडकका लागि हजुरले रु १ बिनियियोजन गर्नु भएको छ ?
सिंह भवानी दाङपुरुवा ,पानी ट्यांकी हुँदै बोडिङ बस्ती जोड्ने सडक मेरै पहलमा करिब ६.५० करोड को बहु वार्षिय ठेक्का लाग्दै छ । के यो सडकमा हजुरले रु १ बिनियोजन गर्नु भएको छ ? गौघाट हुदै पुरैनी सोन बर्ष देखि टिटिरियाको पिपिरी जोड्ने बाटो ठेक्का लागेर कालो पत्रे हुँदै छ के यो सडकमा हजुरले रु १ बिनियोजित गर्नु भएको छ ?

चाहे बनखेतको पक्की पुल होस चाहे सिमल घारीको पक्की पुल होस चाहे गिजरा पुरैन जोड्ने पक्की पुल होस चाहे पानी ट्यान्की देखि एच गाउँ जोड्ने पक्की पुल होस मेरो यो दुई बर्ष को कार्यकालमा कतिपय निर्माण भैसकेका छन कतिपय अन्तिम चरणमा छ्न के तपाईले एउटा मात्रै पक्की पुल निर्माण गर्नु भएको छ ?
चाँहे बैजनाथ पालिकास्तरीय खेल मैदान होस वा खजुरा डि गाउँको अधुरो खेल मैदान निर्माणका लागि प्रदेशबाट मेरै पहलमा रकम बिनियोजित गरेर काम अघि बढेको छ ? के तपाईंको पहलमा एउटा कुनै खेल मैदान निर्माणका लागि रु १ बिनियोजित गर्नु भएको छ ?
यि त प्रतिनिधि आयोजना मात्र हुन सबै आयोजनाहरु यहाँ उल्लेख गर्न असमर्थ छु। यति भन्न चाहन्छु राठौर जि मेरो निर्वाचन क्षेत्र मात्र होईन ३ नम्बर निर्वाचन क्षेत्रको चाँहे जानकी गाउँपालिका होस वा खजुरा या बैजनाथका टोलहरुमा सायद भूगोलको ज्ञान त हजुरलाई थाहा छैन होला मेरै साधनमासंगै लिएर बहस गर्न तयार छु, कसको पहलमा कति आयोजना आएका छन भनेर के तपाईं तयार हो ? बाँकी आवश्यकता परे क्रमशः !!!