बाँके- नेकपा एमालेको भातृसंगठन अखिल नेपाल किसान महासंघले बाँकेका किसान माझ कृषि बिधेयकका बारेमा बृहद छलफल गरेकाे छ । छलफलमा सहभागीले कृषि बिधेयकलाई कृषिमैत्री बनाउन जाेड दिए ।
अखिल नेपाल किसान महासंघका केन्द्रीय अध्यक्ष एवं किसान आयोगका अध्यक्ष डा. प्रेम दंगालको प्रमुख आतिथ्यतामा कार्यक्रम भएको थियाे ।
बाँके जिल्लाका ८ वटै स्थानिय तहवाट आएका अगुवा किसानहरुको सहभागिता रहेको कार्यक्रम विभिन्न सुझाव दिइएको थियो ।
महासंघका अध्यक्ष डा. दंगालले देश संबृद्धिको मुख्य आधार कृषि क्षेत्र भएपनि कृषिकर्ममा आम किसानहरुको रुचि घट्दै गएकाे उल्लेख गर्दै बिधेयकलाई कृषि मैत्री बनाउन लागिपरेको बताए ।
उनले राज्यवाट विउ, विजन, पानी, मलखाद जस्ता प्राविधिक कुराहरु समयमै उपलब्ध हुन नसक्नुले पनि किसानहरु कृषिवाट पलाएन हुदै गएको औंल्याउदै बैज्ञानिक खेति, उत्पादनको वजारीकरण जस्ता समस्याले कृषि क्षेत्रमा आम नागरिकहरुलाई आर्कर्षित गर्न नसकेको स्विकारे ।
अखिल नेपाल किसान महासंघ बाँके जिल्ला अध्यक्ष कृष्ण बिक्रम केसीको अध्यक्षतामा आयोजित कार्यशाला नेकपा एमाले बाँके ईन्चार्ज शान्ति ढकाल सहितका नेता कार्यकर्ताकाे सहभागीता थियाे ।