नेपालगन्ज,५ बैशाख : राष्ट्रपति विद्यादेवी भण्डारीले आज शुक्रबार नेपालगन्जमा उद्घाटन गर्नुहुने आठौं राष्ट्रिय खेलकुद प्रतियोगिताको नेपाल टेलिभिजनले प्रत्यक्ष प्रशारण गर्ने भएको छ । साँझ ६ बजेदेखि शुरु हुने उद्घाटन समारोहको प्रत्यक्ष प्रशारण मार्फत देश बिदेशमा रहेका सबैले हेर्न पाउने प्रचार प्रसार समितिका सदस्य टिएस ठकुरीले जानकारी दिए ।
उद्घाटन सत्रमा हरेक भेषभुषा, धर्म, सम्प्रदाय, कला संस्कृतिक झल्किने झाँकी प्रदर्शनी गरिने गरिने छ । त्यसैगरी अतिसबाजी समेत गर्ने तयारी भइरहेको छ । ‘उद्घाटन सत्रलाई हामी सम्झनलायक बनाउन खोजिरहेका छौं । त्यो दिन पुरै नेपालको झल्को दिने साँस्कृतिक झाँकी प्रदर्शन गरिने छ ।’– क्षेत्रीय खेलकुद विकास समिति प्रदेश ५ का अध्यक्ष भिम ओलीले भने ।
।
