नेपालगन्ज,१७ बैशाख : बिवेक अटोमोवाईलले सोमबार एकैदिन कर्णाली प्रदेशको सुर्खेतमा चारवटा जोन डियर कम्पनीको टेक्टर बिक्री गरेको छ । बिवेक अटोमोवाईल जोन डियरको नेपालस्थित आधिकारिक बिक्रेता हो ।
सुर्खेतामा आयोजित एक कार्यक्रममा बिबेक अटोमोवाइलका क्षेत्रीय प्रबन्धक सुनिल भट्टले खरिदकर्तालाई टेक्टरको साँचो हस्तान्तरण गरे । पहाडी र हिमाली भूभाग रहेको कर्णाली प्रदेशमा खेतीपाती र निर्माण कार्यमा टेक्टरको प्रयोग बढ्दै गएको छ । सोही प्रयोजनका लागि जोन डियर टेक्टरप्रति ग्राहकहरुले रुची देखाएको भट्टले बताए ।
सोही अवसरमा सेवाग्राहीसंग भेटघाट लगायतका कार्यक्रम समेत आयोजना गरिएको थियो । बिबेक अटोमोवाईल नेपालगन्ज भन्सारमा धेरै निर्यातकर्ता मध्येबाट पुरस्कृति संस्था पनि हो ।
