नेपालगञ्ज २५ मंसिर – १३ लाख रुपैया सहित जिल्ला प्रहरी कार्यालय बाँकेले नेपालगञ्ज वडा नं. २ घरवारीटोलबाट सुन कारोवारी बाबु छोरालाई पक्राउ गरेको छ । घरबारी टोलबाट १३ लाख अवैध नेपाली रुपैयाँसहित सौरभ सोनी र विनोदकुमार सोनी पक्राउ परेको प्रहरी निरीक्षक दीपक मल्लले अर्थपेजलाई जानकारी दिए ।
शंका लागेपछि आज प्रहरी पिछा गरेको थियो । सोही क्रममा १३ लाख नगद रकम बरामद गर्नुका साथै बाबुछोरालाई प्रहरीले पक्राउ गरेको हो ।
प्रहरी निरीक्षक मल्लले उक्त रकमको स्रोतको खोजि भइरहेको बताएका छन् । कुन स्रोतबाट रकम आएको भन्ने अनुसन्धानपछि मात्र खुल्ने मल्लको भनाई छ । नेपालगञ्जमा यस अघि नै स्रोत नखुलेको रकम सहित केही व्यक्ति पक्राउ परिसकेका छन् । नेपाल र भारत सिमाक्षेत्रका सुन, हुण्डी जस्ता कारोवारमा संलग्नहरुले अवैध रकम ओसापसार गर्दै आएका छन् ।