मेडिकल कलेज बिरुद्ध औषधी व्यवसायी आन्दोलनमा


नेपालगञ्ज – नेपालगञ्ज मेडिकल कलेज शिक्षण अस्पताल नेपालगञ्जमा उपचारमा आउने विरामीले औषधि अस्पतालको फार्मेसीबाट मात्रै किन्नु पर्ने प्रावधान लागु गरेपछि औषधि व्यावसायी आन्दोलित भएका छन् ।

अस्पतालको आसपासमा रहेका करिव ३५ वटा औषधि पसल बन्द गरेर उनीहरु आन्दोलनमा उत्रीएका हुन ।

औषधि व्यवसायि संघ बाँकेको अध्यक्ष बसन्त शर्माले उपभोक्ताको अधिकार नै कुण्ठित हुने गरी सिण्डिकेट लागू गरेको कारण आफुहरु औषधि पसल बन्द गरेर आन्दोलनको बाटो रोज्नु परेको बताउनु बताए ।
यता नेपालगन्ज मेडिकल कलेज शिक्षण अस्पतालका सह निर्देशक डा. नितेशकुमार कनोडियाले अस्पतालले सुलभ दरमा र विरामीलाई सहज हुनेगरी अस्पतालले फार्मेसी सञ्चालन गरेको दाबी गरे ।

यसैबीच आन्दोलनरत औषधि व्यावसायी र मेडिकल कलेज प्रशासन बीच आईतबार भएको बर्तापछि तीन जना औषधि व्यावसायी संघका प्रतिनिधि र मेडिकल कलेजबाट २ जना गरी पाँच जनाको अध्ययन समिति निर्माण गर्नुको साथै अस्पतालमा आउने विरामीले आफु खुसि औषधि खरिद गर्न पाउने सहमति भएको छ ।

 

प्रकाशित मितिः     9:12:42 PM  |