टंक बहादुर धामी नेपालगन्जको उद्योग व्यवसायका क्षेत्रमा स्थापित नाम हो । नेपालगन्ज उद्योग वाणिज्य संघको हाल कार्यसमिति सदस्य रहनुभएका धामीले उद्योग, व्यवसायीको क्षेत्रमा पुर्याएको योगदान उल्लेखनीय छ । व्यवसायी हकहितमा खरो रुपमा उत्रिने क्षमता भएका धामी यतिबेला चुन्ना नेतृत्वको समावेशी प्यानलको सदस्य पदको उम्मेदवार हुनुहुन्छ ।
व्यवसाय सम्हाल्नु पूर्व धामीले बिद्यार्थी राजनीति समेत गर्नुभयो । बिभिन्न तहमा रही बिद्यार्थी राजनीति गर्नुभयो । काठमाण्डौमा अध्ययन पछि नेपालगञ्ज आएर धामीले २०६० सालबाट रेडिमेड ब्यापार सूरु गर्नुभयो । व्यवसायीक्षेत्रमा संर्घषशिल व्यक्तित्व धामी कमल ईन्टरप्राईजेज, शिद्धिबिनायक अर्डर एण्ड सप्लायर्स,मनिष ट्रेड लिँक, कमल गार्मेन्ट प्रा लि ,रामारोशन तयारी पोषाक प्रा लि चलाउदै आउनुभएको छ । व्यवसायी क्षेत्रमा कृष्ण प्रसाद श्रेष्ठ जस्लाई उनी मामा भनेर सम्बोधन गर्छन उनलाई कहिल्यै बिर्सिदैनन् ।
धामी सामाजिक क्षेत्रमा समेत उत्तिकै सक्रिय हुनुहुन्छ । रामारोशन सहकारी दर्ता गरी १० बर्ष पहिले लेखा समिती सयोजक त्यस पछि हाल सम्म रामारोशन बचत तथा ऋण सहकारी सस्थाको अध्यक्ष हुनुहुन्छ । अछामि सेवा समाजमा सल्लाहकार, लायन्स क्लब अफ नेपालगञ्ज सेन्ट्रलको २०१७ — २०१८ को अध्यक्ष, नेकपा उद्योग तथा वाणिज्य बिभाग सदस्य रहनुभएका धामीले भावी दिनहरुमा पनि यसरी सेवामै सर्मपित गर्ने प्रण लिनुभएको छ ।