नेपालगन्ज १२ माघ – नेपाल राष्ट्र बैंक नेपालगन्ज कार्यालयले यहाँका बैंक तथा वित्तीय संस्थालाई ‘सेवाग्राहीको गुनासा तत्काल सम्बोधन गर्न’ निर्देशन दिएको छ । सेवाग्राहीका गुनासा सम्बोधन नगरी त्यसै अलपत्र नछाड्न राष्ट्र बैंकको निर्देशन छ ।
राष्ट्र बैंक नेपालगन्ज कार्यालयका निर्देशक मुक्तिप्रसाद सापकोटाले हेल्प डेक्स बनाएर सेवाग्राहीको गुनासा सम्बोधन गर्न भनेका छन् । ‘सेवाग्राहीका हरप्रकारका गुनासा तत्काल सम्बोधन गर्नु बैंक तथा वित्तीय संस्थाको प्रमुख जिम्मेदवारी हो । यसमा चुक्ने काम नगर्नुहोला ।’– सापकोटाले भने ।
केही दिन अघि नेपालगन्जमा आयोजित एक कार्यक्रममा सापकाटाले यस्तो निर्देशन दिएका हुन । उक्त कार्यक्रममा यहाँका दर्जन बढि बैंक तथा वित्तीय संस्थाका प्रमुख एवं प्रतिनिधिको सहभागिता थियो ।
‘बैंकका सम्बन्धमा कतिपय गुनासा हामीसम्म पनि आइपुगेका हुन्छन् ।’ सापकोटाले भने–‘यस्ता गुनासा बैंक तहबाटै सम्बोधन हुनुपर्छ ।’
‘मौका नदिई धितो लिलाम नगर्नु,ऋण लिएर मिटर ब्याजमा लगाउन नदिनु’