नेपालगन्ज १४ माघ – बाँकेको जानकी गाउँपालिका ६ मा अम्बे समूहले स्थापना गरेको पश्चिमकै ठुलो डन्डी उद्योगले डेढ सातापछि आफ्नो उत्पादन शुरु गर्ने भएको छ । तीन तीन अर्व बढि लगानीमा जानकीमा उक्त उद्योग स्थापना भएको हो ।
उद्योगले अहिले परीक्षण उत्पादन गरिरहेको छ । डेढ हप्ता पछि त्यहाँ उत्पादन भएको डन्डी बजारमा आउने छ ।
उक्त उद्योगले बजारमा ल्याउने डन्डी क्यान्टलिवर स्ट्यान्डको छ । यसले डन्डीलाई चिल्लो बनाउँछ । उद्योगबाट दैनिक ८ सय टन डन्डी उत्पादन हुन्छ । यो उद्योगले झण्डै चारसयलाई रोजगारी दिने छ ।