नेकपामा सहमति : मुख्यमन्त्री बिरुद्धको प्रस्ताव फिर्ता, प्रमुख सचेतकमा शाह यथावत


नेपालगन्ज ४ कात्र्तिक : नेकपा कर्णाली प्रदेशको संकट समाधान भएको छ ।

प्रधानमन्त्री एवं नेकपा अध्यक्ष केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच मंगलवार बिहानको भेटघाटमा कर्णाली संकट समाधानका विषयमा सहमति जुटेको प्रधानमन्त्रीका प्रेस सल्लाहकार सुर्य थापाले जानकारी दिएका छन् ।

थापाका अनुसार, दुवै अध्यक्षबीच भएको सहमति यस्तो छ-


१. कर्णाली प्रदेश संसदीय दलका प्रमुख सचेतक गुलाबजंग शाहलाई मुख्यमन्त्री महेन्द्रबहादुर शाहीले हटाउने निर्णय बदर गर्ने ।
२. प्रमुख सचेतकमा उहाँद्वारा नियुक्त साीता नेपालीको निर्णय बदर गरी पूर्ववत् रूपमा सचेतकमा कायम गर्ने ।
३. मुख्यमन्त्रीविरूद्द दर्ता भएको अविश्वास प्रस्ताव फिर्ता लिने र
४. अन्य विषयहरूमा सल्लाह र समझदारीका साथ आवश्यक निर्णय लिने ।

थापाले यस बारेमा कतिपय सञ्चारमाध्यममा आएको जस्तो गरी छलफल र सहमति नभएको सबैको जानकारीका लागि अनुरोध गरेका छन् ।

प्रकाशित मितिः     5:41:57 PM  |