नेपालगन्ज – देशकै सबैभन्दा पुरानाे बैंक नेपाल बैंक लिमिटेडले नेपालगन्ज उपमहानगरपालिकाका नगरप्रमुख प्रशान्त बिष्ट र उपप्रमुख कमरुद्दिन राईलाई बधाई तथा शुभकामना दिदै बित्तीय गतिविधिमा सहकार्यका बिषयमा छलफल गरेकाे छ ।
बैंकको तर्फबाट नेपालगन्जस्थित सिटी अफिसका सहायक शाखा प्रवन्धक धर्मराज काेइराला र धम्बोझी शाखाका शाखा प्रबन्धक मेख बहादुर खत्री नेतृत्वकाे टिमले शुक्रबार नगरप्रमुख र उपप्रमुखलाई बधाई तथा शुभकामना दियाे ।
साे अवसरमा बैंकको तर्फबाट नेपालगन्जका सेवाग्राहीलाई सरल र सहज तरिकाले बित्तीय सेवा प्रदान गरिरहेकाे जानकारी दिदै उपमहानगरसङ पनि सहकार्य गर्न तयार रहेकाे अवगत गराइयाे ।
नगर प्रमुख बिष्ट र उपप्रमुख राईले हरेक सेवाग्राहीलाई सहज तरिकाले सेवा उपलब्ध गराउनुपर्नेमा जाेड दिदै नेपाल बैंकसग सहकार्य गर्ने बारेमा छलफल गर्नुभएको थियाे ।
नेपाल बैंक देशकै पहिलाे बैंक हो भने अहिलेकाे आर्थिक समस्याकाे बेलामा समेत बैंकको निक्षेप तथा कर्जा प्रवाह उत्कृष्ट छ ।