सुर्खेत – गुर्भाकाेट- ४ का विद्यालयका विद्यार्थी गर्मीयाममा पंखा अभावमा हैरानी खेप्थे ।
कक्षाकाेठामा गर्मीले पढ्न नमिल्ने भएका कारण रुखको छहारी खोज्दै त्यहा पढाउनुपर्ने बाध्यता थियाे । नबनिर्वाचित वडा अध्यक्ष राम डाँगीले अनुगमनका क्रममा बिद्यालयको त्यस्ताे हैरानी देखेपछि पंखाकाे व्यवस्था गरिदिएका छन् ।
अध्यक्ष डाँगी नेतृत्वकाे टिमले विभिन्न बिद्यालयमा पंखा बितरण गरेका छन् । जनसेवा आधारभुत बिद्यालय लगायतलाई पंखा बितरण गरिएको छ । अन्यलाई पनि वितरण गर्ने कार्यक्रम छ ।
वडा अध्यक्ष डाँगीले बिद्यार्थीलाई आरामदायी तरिका पढ्ने वातावरण निर्माणका लागि अधिकतम प्रयास गरिरहेकाे बताए ।