नेपालगन्ज । ‘फर्जी’ ज्येष्ठ नागरिक तयार गरि बृद्धभत्ता दुरुपयोग गरेकाे भन्दै अख्तियार दुरुपयोग अनुसन्धान आयोगले नरैनापुर गाविसका तत्कालीन अध्यक्ष अजयकुमार श्रीवास्तव, सचिव सहित सत्रजना विरुद्ध बिशेष अदालत काठमाडौं अभियाेगपत्र दर्ता गरेकाे छ ।
सामाजिक सुरक्षा भत्ता वितरण गर्दा गाविस सचिव र मुखियाले मिलेमतो गरी नियम विपरित भत्ता वितरण एवं लिने खाने गरेको अख्तियारले जानकारी दिएको छ ।
सामाजिक सुरक्षा भत्ता वितरण गर्दा आर्थिक बर्ष २०५७/०५८ देखि २०७२/०७३ सम्म सामाजिक सुरक्षा भत्ता पाउन उमेर नपुगेका १९ जना व्यक्तिहरुलाई नागरिकतामा उल्लेखित जन्ममिति र नागरिकता जारी मिति अन्देखा गरेकाे पाइएको छ ।
ज्येष्ठ नागरिक तथा दलित ज्येष्ठ नागरिकको रुपमा, नागरिकताको प्रमाणपत्र नभएको व्यक्तिलाई एकल महिलाको रुपमा र भारतमा विवाह गरी गएका महिलालाई एकल महिलाको रुपमा तत्कालीन सचिव र अध्यक्षले सामाजिक सुरक्षा लाभग्राही परिचयपत्र जारी गराई सामाजिक सुरक्षा भत्ता वितरण गरेका थिए ।
उनीहरुले रु ६ लाख ५६ हजार ७ सय हिनामिना हानिनोक्सानी गरेको पुष्टि भएकोले उक्त कार्यमा संलग्न प्रतिवादीहरु सजाय हुन मागदाबी लिई विशेष अदालत, काठमाडौंमा आरोपपत्र दायर गरिएको हाे ।
साथै, पाटेश्वरी सिंह ठाकुर, मुज्फर खाँ, राम सुमझ कुर्मी, जलील खाँ र राम सेवक कूर्मीसमेतको मृत्यु भइसकेकाले बिगोको हकमा प्रतिवादी तत्कालीन गाबीस सचिव सावित राम कुर्मीबाट असुल उपर हुन मागदाबीसमेत लिइएको छ।
हेर्नुस् हेर्न यहाँ क्लिक गर्नुस्